२०७६ चैत ५
प्रमुख व्यापारिक केन्द्र दिक्तेल बजारस्थित माटीकोरे खेल मैदानमा आगामी वैशाख–६ गतेबाट अन्तरपालिकास्तरीय फुटबल प्रतियोगिता सञ्चालन गरिने भएको छ । जिल्ला खेलकूद महासङ्घ खोटाङको आयोजनामा पहिलोपटक आयोजना गर्न लागिएको अन्तरपालिकास्तरीय फुटबल प्रतियोगिता वैशाख ६ गतेदेखि १० गतेसम्म सञ्चालन गरिने भएको हो । जिल्लाका १० स्थानीय तहका खेलाडी मात्र सहभागी गराइने फुटबल प्रतियोगिताका प्रथम, दोस्रो र सेमी फाइनलमा पर्ने दुई टोलीलाई क्रमशः नगद रु. एक लाख ५५ हजार, रु. ८५ हजार र रु. ५५ हजार ५५५ को साथमा ट्रफी, पदक र प्रमाणपत्र प्रदान गरिने महासङ्घका संयोजक माइतीराज राईले जानकारी दिए ।
